Los próximos díes 25 y 26 de Marzu van tener llugar les III Xornaes de la Memoria Histórica de Piloña entamaes pola Asociación Cultural Les Ablanes. Esti añu'l tema vertebrador de les mesmes ye la infancia, grupu social escaeciu social ya históricamente. Dende la Asociación quier dase visibilidá a la violencia que los neños y neñes sofrieron a consecuencia de la dictadura promoviendo la reflexón y la concienciación.
Les actividaes programaes pa esta edición son les siguientes:
Sábadu 25:
Casa Cultura de L’Infiestu:
- 12.00 Rubén Vega: No hay neutrales
- 17.30 Gonzalo José Barrena Barrena Díaz: el patrimonio cultural de los niños de la guerra
- 18.15 Luís Felipe Capellín: Maximino Roda, Niño de la Guerra
Domingu 26:
Plaza’l Ganáu:
- 11.00h Irene Faza y Jose A. Longo van facer una ruta guiada peles cais de L’Infiestu col nome: Arquitectura, infancia y memoria.
Cervecería la Traviesa:
- 13.00 Sesión Vermú col grupu Abéu Folk.
