Chegamos o último venres do primeiro mes do ano coa ollada posta en Fitur 2024. Galicia preséntase ante o mundo nesta Feira Internacional de Turismo en Madrid e alí estaremos esta tarde, imos facer un percorrido pola feira para coñecer a oferta galega nun concorrido stand de Turgalicia, escenario vestido de auga porque a ese elemento tan característico noso rende homenaxe: "Galicia é auga, Galicia é futuro" é o lema escollido pola Xunta este ano en Fitur.
