O concello de Monforte asina convenio e colaboración coa CHMS para habilitar unha senda circular de 4 kilómetros recuperando os regatos Penela, Zapardiel e Malloadas. O presuposto supera os 4M€ dos que aporta a Confederación un 80% e o 20% restante o fondos municipais. Repasamos datos que deron a coñecer nesta xornada o alcalde José Tomé Roca e o presidente da Confederación, José Antonio Quiroga. Entre outros asuntos que repasamos da actualidade máis próxima, conversamos co alcalde do concello de Ribas de Sil, Miguel Sotuela, que abandona a alcaldía este xoves despois de máis de 26 anos exercendo de rexedor local. Entrevistamos tamén a Diego Xesús López, unha cervexa artesá elaborada por él ven de ser premiada nun concurso nacional e preguntámoslle sobre esta elaboración. E chegou xa a Hong Kong a delegación monfortina que vai participar no Campionato do Mundo de Taekwondo. Da última hora danos conta o adestrador, José María Vega.
PROGRAMAS
Copyright © Uniprex, S.A.U., C/ Fuerteventura 12 San Sebastián de los Reyes, 28703 Madrid
