Abrimos repasando asuntos da actualidade máis próxima e co espazo adicado ao sector vitícola no que hoxe repasamos viños da D.O Ribeira Sacra premiados en Vinespaña con Luis Buitrón, presidente da Federación Española de Enología. Chega a Bóveda a primeira familia que acepta a proposta da Plataforma Holapueblo, da que falamos co alcalde José Manuel Arias. Falamos de hidroterapia e tratamentos para superar a covid persistente, con Antonio Freire, director médico do Balneario de Augas Santas e entre outros asuntos repasamos historia da chegada do ferrocarril a Monforte e de quen fixo isto posible, co investigador Felipe Aira.
