Academia San Mamed, especialistas en oposicións, recuperacións e cursos

Coa chegada do verán mentras algúns pensan nas súas próximas vacacións, son moitos os que aproveitan o seu tempo libre para mellorar a súa formación ou facerse un oco na administración pública, e diso saben moito en Academia San Mamed, que ofertan formación tanto en materia de oposicións, como recuperacións de asignaturas e cursos.

Neste ano, coa aposta dos últimos gobernos polo aumento das taxas de reposicións de funcionarios, son varias as convocatorias que están en marcha e outras previstas para as próximas semanas.

Na actualidade están convocadas 132 prazas de Policía Local de Galicia; 2.029 de administrativos e 1.444 auxiliares do Estado; e 772 auxiliares de enfermería do Sergas. En Academia San Mamed encárganse da tramitación da túa instancia e de ofrecerche a mellor formación. Ademais, prevese en breve a convocatoria de 900 prazas de axudantes de penitenciarías.

E iso non é todo, tamén contan con grupos para prepararse para Policía Nacional, Guardia Civil, auxiliares administrativos da Xunta, subalternos, bombeiro forestal, pinche, PSX e moito máis.

Así mesmo, podes optar por formación presencial e online. Pero sexa como sexa o seu director, Antonio Devesa, danos algunhas claves para lograr o mellor dos resultados neste ámbito. “Precísase mínimo un ano de preparación. Logo tamén depende do nivel da persoa e a dedicación. O que hai que entender é que unha praza pública hai que preparala”, aconsella.

Recuperacións

Academia San Mamed tamén conta con profesorado con ampla experiencia para axudarche na recuperación de asignaturas pendentes de Primaria, ESO, FP, Bachillerato, Selectividad, Universidade...

Cursos

Ademais, ofrecen un amplo abano de cursos. Informática, idiomas, contabilidade, nóminas, mecanografía, manipulador de alimentos, son algunhas das opcións pero hai moitas máis.

“Todos os cursos dámolos a nivel presencial e online. Temos convenio coa universidade a través do cal hai cursos que teñen créditos. Ademais, tamén temos cursos de formación para a xente que quere ser máis competitiva no mundo laboral, en tecnoloxías, contabilidade, idiomas... E uns 1.500 son online”, explica Antonio Devesa.

Esta opción a distancia está sendo moi ben acollida por quen non vive na capital. “Hai moita xente que está lonxe da cidade e está accedendo a cursos de oposicións online, tamén sanitarios e educativos, porque temos cursos baremables que dan puntos na pase de concurso-oposición”, conclúe.