O presidente da Deputación de Ourense, Manuel Baltar, reuniuse no Pazo Provincial coa presidenta do Consello Regulador da Denominación de Orixe Monterrei, Lara da Silva. No encontro analizaron a situación desta denominación de orixe, así como a colaboración que presta a Deputación de Ourense para gastos de funcionamento e promoción das actividades que leva a cabo esta entidade, orientadas á difusión do labor do consello e das adegas adscritas a esta denominación de orixe, en mercados nacionais e internacionais. Baltar valora esta colaboración, “como un apoio a un sector fundamental da economía da nosa provincia, a única de España que conta con catro denominacións de orixe vitivinícola, sendo a de Monterrei un importante motor económico de revitalización da súa comarca desde que en 1994 se creara esta distinción de calidade para os seus viños”, afirma Manuel Baltar.
Apoio da Deputación de Ourense ao consello regulador da denominación de orixe Monterrei
O presidente da Deputación de Ourense, Manuel Baltar, reuniuse no Pazo Provincial coa presidenta do Consello Regulador da Denominación de Orixe Monterrei, Lara da Silva
![Manuel Baltar Manuel Baltar](https://image.ondacero.es/clipping/cmsimages02/2018/11/20/048D61DE-FE79-4221-83EC-48395EFF8746/98.jpg?crop=2992,1683,x0,y0&width=1900&height=1069&optimize=high&format=webply)