No acto, celebrado na sede da asociación de empresarios, participou nesta edición o presidente do grupo Coren, Manuel Gómez Franqueira, quen salientou “o gran nivel de preparación e competitividade das empresas do polígono de San Cibrao”.
Baltar, quen lembrou no seu discurso a figura de José Manuel Pérez Canal, presidente da CEO, recentemente falecido, dixo que conmemoracións como a de hoxe, “na que poñemos en valor máis de medio século de traballo empresarial e asociativo, subliñan a importancia das sinerxias e da cooperación público-privada para xerar riqueza e avanzar na mellora dos datos socio-económicos”, tal e como reflicte, dixo, o estudo “O polígono en cifras”, que rebela que a contorna empresarial máis importante de Galicia rexistra unha cifra de negocio de 100.000 millóns de euros, e conta con 8.500 traballadores, 4, 8 millóns de metros cadrados de superficie e 432 empresas.
No acto, celebrado na sede da asociación de empresarios, participou nesta edición o presidente do grupo Coren, Manuel Gómez Franqueira –a quen Baltar cualificou como exemplo de cooperativismo-, quen salientou no seu relatorio “o gran nivel de preparación e competitividade das empresas do polígono de San Cibrao”.
O presidente do goberno provincial comentou a “colaboración permanente” que a Deputación de Ourense vén mantendo co polígono de San Cibrao, citando como un dos exemplos o servizo de bombeiros e emerxencias, sufragado ao cen por cen pola Deputación, e subliñou “a posición de vangarda” das empresas do polígono nos ámbitos dixitais e do comercio online, “o que contribúe, ao igual que outros indicadores positivos, a aumentar a competitividade e posicionar esta contorna empresarial como unha das máis importantes”.
O acto contou tamén coa participaron e a presenza do presidente da asociación de empresarios do polígono de San Cibrao, Elías Mera; o alcalde de San Cibrao das Viñas, Manuel Pedro Fernández; a delegada da Xunta en Ourense, Marisol Díaz; o subdelegado do Goberno en Ourense, Emilio González Afonso, e representantes de empresas do polígono.