O Subdelegado do Goberno en Ourense, Eladio Santos, participou na conferencia "Erradicar a trata e a explotación sexual. Unha responsabilidade colectiva" organizada pola Unidade de Coordenación contra a Violencia de Xénero da Delegación do Goberno en Galicia.
Durante a sua intervención, Santos sinalou que a ciberprostitución pon en evidencia que "o modelo criminal está cambiando", apostando pola formación dos axentes para afrontala. Neste contexto repasou o Subdelegado os tres desmantelamentos de organizacións de trata de mulleres que a Garda Civil e a Policía Nacional levaron a efecto nos últimos catro meses na nosa provincia, indicando que "as mulleres estaban en situación de absoluta escravitude e isto está pasando agora".
