A Concellería de Medio Ambiente organiza nove actividades divulgativas no botánico de Montealegre, con temática tan variada como un obradoiro de cerámica, a elaboración de terrarios ou o cultivo de insectos.
Ao igual que no primeiro trimestre do ano, a oferta formativa basease nas ideas, “de aprender xogando” e de que cun “maior coñecemento do medio natural seremos máis responsables” nos nosos hábitos de vida.
O concelleiro de Medio Ambiente Jorge Pumar anima a todas as familias Ourensáns a participar neste tipo de actividades e a visitar o botánico en primaveira, unha época do ano excelente para coñecer a flora e fauna que habita nestas 14 hectáreas de habitat natural en plena cidade.
As actividades serán de balde, previa inscrición, e abarcan os meses de maio e xuño. Este sábado día 7, terá lugar o primeiro obradoiro cun taller de cerámica. As idades ás que está dirixido este programa son as comprendidas entre os 6 e os 12 anos, agás o obradoiro de xogos variados e o de plantar na horta, que é para toda a familia.
Todas as accións están previstas para os sábados e domingos a partir das 16 horas da tarde. A información e inscrición para estas actividades poderase realizar a través do correo sm.p.montealegre@gmail.com ou no teléfono 988 388 135.
O programa de actividades é o seguinte:
Maio
Sábado, día 7Obradoiro de cerámica
Domingo, día 8Mural de primavera
Sábado, día 21Obradoiro de historias en Montealegre
Domingo, día 22Xogos variados
Sábado, día 28Elaboración de terrarios
Domingo, día 29Ximcana de especies
Xuño
Sábado, día 4Plantar na horta
Domingo, día 5Experimentos naturais
Sábado, día 18Cultivo de insectos
