Os clientes de Gadis achegan 34.149 € á Asociación Española contra o Cancro (AECC). É o total recadado durante a recente campaña solidaria “A compra da túa vida”, que se levou a cabo nos 222 supermercados de Galicia e Castela e León entre os días 7 e 16 deste mes de febreiro.
Desde Gadis, quérese destacar o respaldo dos clientes a esta importante causa social. Unha colaboración que este ano aumentou un 135% con respecto ao pasado, o que é motivo de agradecemento por parte da empresa. Os fondos recadados irán destinados a sufragar proxectos de investigación e ao benestar dos pacientes.
Con motivo do Día Mundial Contra o Cancro, a AECC organiza anualmente “A compra da túa vida”, iniciativa na que Supermercados Gadis participou por cuarta vez en 2025. A mobilización e implicación da empresa e dos voluntarios no seu desenvolvemento favoreceu que a colaboración económica aproxímese aos 80.000 € nestes catro anos.
