Os cambios marcarán “un antes en un despois na mobilidade de Ourense cidade”, avanza Pérez Jácome. Así, explica que a configuración das novas liñas contempla xa incrementar o 20% o número de condutores de autobús e isto permitirá pasar dos 35 autobuses simultáneos actuais, aos 42. Será, detalla o rexedor, “un servizo Premium de autobús co cal poderíase reducir un 30% o tránsito de vehículos privados: isto redundaría en calidade de vida, ao contribuír á redución da contaminación, o ruído e os problemas para aparcar vehículos, así como a fomentar a convivencia cos peóns”. O novo deseño deparará tamén consecuencias positivas en clave de aforro económico, xa que o custo repercutido do autobús é inferior ao do uso do coche individual.
O novo deseño Alpha 3.0 consegue unha liña troncal de alta frecuencia de menos de 8 minutos, entre o barrio do Vinteún e a Residencia, pasando polo centro e o pavillón dos Remedios.
Os barrios de Berrocás, A Cuña, Mariñamansa, a contorna de Expourense... conéctanse co centro e a estación cada 15 minutos.
O barrio do Couto pasa a ter un autobús á residencia cada 15 minutos no canto de cada 60.
O de San Francisco pasa a ter un autobús cada 15 minutos, no canto de cada 35.
O da Milagrosa pasa a ter bus cada 30 minutos, no canto de cada 60.
O campus pasa a ter autobús cada 15 minutos e queda conectado ao centro, á estación e a outros barrios, ademais doutras moitas melloras...
RUTAS NOVAS:
** Liña 0, Gran–Circular en ambos os sentidos (cada 15 minutos):
Residencia – A Saínza – Pena Trevinca – Auditorio – Habana – Parque S. Lázaro – Curros Enríquez – Avda. Castelao – Campus – Avda. Otero Pedrayo – As Lagoas – Avda. Marín – Estación intermodal – Xulgados/Pavillón – Dalí – Praza do Couto – Avda. Portugal – O Posío – Residencia.
** Liña Norte–Sur (variante Oeste) (cada 15 minutos):
As Eiroás – Covadonga – Praza da Mariña – Parque da Ponte – Estación intermodal – Ponte do Milenio – Xulgados/Pavillón – Concepción Arenal – Parque S. Lázaro – Alameda – O Posío – Avda. Zamora – Residencia/Saínza – Rotonda da Farixa – Mariñamansa / U. Laboral – Expourense – Seixalbo – Alto do Cumial.
** Liña Norte–Sur (variante Leste) (cada 15 minutos):
Sexto Instituto – Avda . Santiago – Praza da Mariña – Parque da Ponte – Estación intermodal – Ponte do Milenio – Xulgados/Pavillón – Concepción Arenal – Parque S. Lázaro – Alameda – O Posío – Avda. Zamora – Residencia / A Saínza – Residencia/Ramón Puga – Novo Berrocás – Berrocás (estrada da Granxa)
** Liña Virtual (cada 7:30 minutos):
Produto das 2 líñas Norte-Sur, é a ruta troncal común de 5 km, que vai desde a Praza da Mariña ata a Residencia.
FINAIS DE LIÑA:
** Instituto do Couto, rotonda Vistafermosa (cada 20 minutos)
** UNED/Antiga estación de autobuses (cada 25 minutos) (amais doutros buses próximos)
** A Valenzá (cada 25 minutos)
** San Francisco Express (cada 25 minutos). San Francisco e Berrocás a Centro Saúde/Universidade Laboral
** Oira (cada 30 minutos)
** Cabeza de Vaca (A Carballeira) (cada 30 minutos)
** A Milagrosa (cada 30 minutos)
** Santa Cruz de Arrabaldo (Untes, Quintela) (cada 35 minutos)
** Reza (Vistafermosa cima) (cada 35 minutos)
** Ceboliño (cada 35 minutos)
** Velle (Lonia) (cada 35 minutos)
** Santa Marina (Cuartel, Estrada da Granxa) (cada 35 minutos)
** Cudeiro, O Viso (cada 40 minutos)
** As Curuxeiras (Rairo) (cada 40 minutos)
** Palmés (Vilar de Astrés) (cada 60 minutos)
** A Chavasqueira, Eirasvedras, Peliquín (cada 80 minutos)
** Fechos - Fonsillón – Rabo Galo – Mende – Polvorín – Mende e Velle: as mesmas frecuencias múltiples cas actuais.
Outros:
** Moucho Buses: 2 rutas nocturnas con frecuencias múltiples
** Tren Termas Turístico: Paseo Termal e centro de Ourense, con frecuencias múltiples
** Outros destinos: poderíanse dispensar baixo demanda, a través de taxi ou vehículo con condutor
