Supermercados Gadis regalará este sábado, 28 de outubro, ata fin de existencias 12.000 libros con microrrelatos cuxa temática xira ao redor da natureza. Son 90 textos breves que resultaron premiados ou finalistas na 4ª edición do concurso convocado pola cadea para visibilizar a habilidade de persoas anónimas narrando unha historia con menos de 100 palabras. A publicación, cun orixinal deseño, editouse en formato de peto para maior comodidade.
Enviaron as súas propostas 1.855 persoas de toda España, cunha destacada participación do público xuvenil, algo que satisfai especialmente a Supermercados Gadis.
Pracer da lectura
Sempre en sintonía co mundo cultural, un dos obxectivos de Supermercados Gadis é animar aos clientes a que gocen do pracer da lectura coas historias persoais, realistas ou fantásticas que os autores plasman nas súas narracións. Chegar ao maior número posible de persoas coas súas iniciativas culturais é outro dos propósitos da cadea, por iso é polo que a edición dixital xa estea dispoñible en http://www.gadismicrorrelatos.com/ e tamén se pode descargar en pdf.
Temática diversa
Desde Gadis apuntan a que introducir en cada edición unha nova temática ten como fin continuar incentivando a creatividade da xente con talento para a escritura e que queira ter a oportunidade de publicar os seus textos nun recompilatorio. O certame arrincou centrándose nos encontros, seguiron os descubrimentos, os soños e, neste 2023, a natureza.
Apoiar á cultura nas súas diferentes manifestacións
Apoiar a cultura nas súas diferentes manifestacións é un dos compromisos da empresa, que articula a través dun completo programa de Responsabilidade Social Corporativa, no que encaixa este concurso. A recompilación dos relatos breves en cada edición supón un impulso para a industria editorial, xa que se imprimiron 48.000 exemplares, aos que hai que sumar os 360.000 libros que Gadis editou con motivo do Día dás Letras Galegas nos últimos anos.
