Gadis pechou a 5ª campaña “Alimenta la amistad” cun balance moi positivo, xa que os clientes da cadea de supermercados volveron a amosar o seu compromiso coas 70 protectoras de animais de Galicia e Castela e León beneficiarias desta iniciativa de Responsabilidade Social Corporativa. A empresa xa está a repartir os 64.455 quilos de produtos de alimentación e hixiene, doados polos clientes, entre as entidades de ambas as comunidades autónomas.
A cadea contribuíu con 13.651€, que se suman aos 3.800€ achegados polos clientes, para aumentar o alcance da axuda a estas institucións, que prestan asistencia por centos de cans e gatos sen fogar.
Xesto solidario dos clientes
Supermercados Gadis agradece o xesto solidario que, de novo, tiveron os seus clientes con esta acción, demostrando a súa implicación e sensibilidade co benestar animal. Un compromiso compartido pola cadea de supermercados que, desde o 2019, pon en marcha esta iniciativa ao fío do Día Mundial dos Animais, celebrado cada 4 de outubro.
Nestes cinco anos, doáronse máis de 320.000 quilos de produtos de alimentación e hixiene nas diferentes campañas “Alimenta la amistad” que, en 2023, estendeuse entre os días 2 e 10 deste mes en 202 puntos de venda.
Labor dos voluntarios
A cadea tamén quere destacar o labor que levaron a cabo os voluntarios nos supermercados, concienciando ás persoas das responsabilidades que carrexa ter unha mascota na casa e animando á adopción, se se toma a decisión de contar cun animal de compañía. Tamén visibilizaron o traballo diario que se realiza nas protectoras para o seu coidado e alimentación.
