O alcalde de Ourense, Gonzalo Pérez Jácome, proporá darlle o nome de Praza Antonio Valencia á rotonda presidida pola estatua de San Rosendo (na confluencia entre as rúas Progreso, Concordia e Xoán XXIII). Con esta iniciativa, o rexedor pretende renderlle homenaxe a este recoñecido laboralista ourensán, que faleceu o día 3 de agosto, aos 64 anos de idade. En círculos cidadáns era denominado “o avogado dos pobres”, polo labor altruísta que constantemente desenvolvía para proporcionarlle asesoramento e apoio profesional gratuíto a aquelas persoas que o precisaban. Antonio Valencia Fidalgo tiña nesta zona da cidade o seu despacho profesional: A Terra Avogados.
Jácome proporá o nome de Praza Antonio Valencia á rotonda da estatua de San Rosendo
O alcalde quere renderlle homenaxe pola súa xenerosidade e altruismo ao laboralista ourensán, popularmente coñecido como “o avogado dos pobres”.
![Jácome proporá o nome de Praza Antonio Valencia á rotonda da estatua de San Rosendo Jácome proporá o nome de Praza Antonio Valencia á rotonda da estatua de San Rosendo](https://image.ondacero.es/clipping/cmsimages02/2023/09/28/059669E0-E4D2-4A78-B6BC-6AE589208088/jacome-propora-nome-praza-antonio-valencia-rotonda-estatua-san-rosendo_98.jpg?crop=4032,2269,x0,y218&width=1900&height=1069&optimize=high&format=webply)