O PSOE denuncia que José Manuel Baltar, condenado por un delicto contra a seguridade vial por conducir a máis de 200 km por hora un coche oficial nun tramo limitado a 120, que non pode seguir sendo senador “nin un minuto máis!.
Así o manifestou o tamén senador ourensán Rafael Villarino que critica que Baltar Blanco fose premiado polos populares con un cargo de designación autonómica na Cámara Alta remunerado con 70 mil euros anuais.
Para Villarino “xa abonda de impunidade, de utilizar bens públicos para fins privados e de utilizar a política como un medio para esquivar responsabilidades”.
Lembra asemade que no último mes os populares negáronse a reclamarlle a acta e tampouco adoptaron ningunha medida disciplinaria, mantendo o cargo de presidente da Comisión de Despoboamento e Reto Demográfico.
