Os socialistas ourensáns levarán ó Parlamento de Galicia o que califican como “grave situación” que viven os traballadores da pranta de compoñentes de automoción “Faurecia” en San Cibrao das Viñas, tra-lo anuncio da dirección de recortes na plantilla.
De tal xeito rexistraron unha serie de iniciativas nas que reclaman do goberno galego, con competencias en industria e emprego, que actúe “de xeito urxente” para garantir a viabilidade da fábrica mantendo a totalidade da súa plantilla que supera os 300 traballadores.
A parlamentaria socialista ourensá, Carmen Rodríguez Dacosta, considera que “é de vital importancia que a Consellería de Economía e Industria asuma compromisos e se reúna con representantes da empresa para avanzar na percura de solución que garantan a carga de traballo e o mantemento dos postos de traballo.
