"A parte da Historia que non coñecemos é coa que me gusta xogar como escritor"

Pedro Feijoo recoñece que o entretemento e o humor son a súa "autopista" para levar ao lector a reflexionar sobre temas de calado como a corrupción, a mala memoria histórica que temos como sociedade, ou a irresponsabilidade das administracións para protexer o patrimonio. Simón e Mariña volven protagonizar unha historia con Vigo como protagonista, como escenario de crimes por resolver, unha cidade que vai ver como se tambalea o seu "mito fundacional" e a orixe da festa da Reconquista, ao tempo que volve cobrar vida rodeada de amor e humor "made in Feijoo".