Pepe Carballude: "O humor é imprescindible para entreter aos máis novos e que gocen da literatura"

Cada xoves tomamos a última con pontevedreses que nos falan dos seus proxectos. Unha charla coloquial e distendida que esta semana ten como protagonista a Pepe Carballude (Rubín-A Estrada), un dos autores máis veteranos e coñecidos da literatura infantil e xuvenil galega. Co motivo da celebración do Ano Xacobeo, Hércules Ediciones vén de reeditar o clásico "De como o Santo dos Croques se fai peregrino" e del falamos con Carballude. Neste enlace directo á nosa web podes volver escoitar a entrevista con Susana Pedreira en "Más de Uno Pontevedra".