Anabel Gulias

A actualidade local e a predicción do tempo centran a nosa atención na primeira parte do programa. No tempo da entrevista conversamos con Lucía Saborido, directora de SARAIVA, sobre arquitectura saudable e vivendas para toda a vida, acompañados polo arquitecto e profesor da Universidade de Sevilla, Santiago Quesada. Como cada xoves buscamos calidade coñecendo novos proxectos pontevedreses: EDIGAL é a empresa de Iago Martínez que hoxe se presenta na Casa da Luz dentro da iniciativa PONTEVEDRA TEN UN PUNTAZO. Estreamos o noso reto musical para decembro: a primeira banda que nos visita é LA CALLE DEL RUÍDO

Comezamos unha nova edición de Gente Viajera de Galicia repasando a actualidade do sector turístico e conversando cun galego viaxeiro: o músico e cantante Davide Salvado que nos presenta o seu disco "Lobos" co que está a viaxar por lugares tan dispares como Canadá ou Bélxica. Coa nosa guía 4x4 ímonos de tapeo ata a cidade de Pontevedra, sacámonos a foto no banco máis bonito do mundo en Loiba (Ortigueira) e faremos parada para durmir a poucos quilómetros para admirar sen presa e con calma a beleza das Rías Altas. Ademais visitamos dúas adegas no norte e no sur de Galicia e marcamos unha completa axenda para gozar da fin de semana