emisora

Comezamos o programa coa actualidade da semana e as previsións do sector para a ponte de maio. No tempo da entrevista viaxamos polas cidades dos nenos co investigador e pedagogo italiano, Francesco Tonucci, e o vicepresidente da Deputación de Pontevedra, César Mosquera. Ademais, visitamos a exposición "Imaxinar a educación. 50 anos de FRATO" no Pazo da Cultura de Pontevedra. Temos "cuchipanda", como cada último venres do mes, cos amigos de Polo Correo do Vento (Quique Mauricio e Carlos Taboada).

Moda e viaxes van da man no blog donkeycool de Patricia García, a galega viaxeira que nos visita este venres no tempo da entrevista. Percorremos Galicia de Sur a Norte facendo parada en Cambados para comer na Fonte do Viño, en pleno centro histórico da vila do albariño, e en Ribadeo para durmir no primeiro faro hotel de España: Illa Pancha. Ademais, repasamos a actualidade da semana e facemos unha viaxe express para asistir a unha cerimonia no Pazo de Villariza en Arteixo, onde a empresa "Desayuna Bodas" organizou un orixinal showroom. Na axenda de fin de semana recomendamos "Capital shopping" na cidade de Pontevedra

Un novo crime machista na provincia centra a nosa atención no inicio do programa para abrir o repaso da actualidade do día. Co portavoz do PP en Pontevedra, JACOBO MOREIRA, analizamos o pleno municipal e outras cuestións da xornada. Como cada martes temos almorzo informativo desde A DEVESA, hoxe co secretario local do PSdG en Pontevedra, Agustín Fernández, como convidado. E os Cronopios invaden a radio con novas recomendacións lectoras da man de Mercedes Corbillón