exposiciones

Hoxe adentrámonos no edificio Castelao guiados por Ángeles Tilve, conservadora e responsable da área de Coleccións do Museo de Pontevedra. Durante a visita descubrimos que é imposible cuantificar o número de pezas que alberga o museo e que os propios traballadores se sorprenden todos os días porque sempre atopan algo novo. Sen dúbida, Castelao é unha figura imprescindible e hoxe coñecemos mellor a súa colección, con especial protagonismo para o “Álbum Nós”. Ademais, Ángeles Tilve explicounos que grazas a Castelao o Museo é unha das poucas institucións do Estado que conta nas súas coleccions coas catro series gravadas de Goya.

O Museo de Pontevedra conserva e exhibe unha ampla colección de arte, arqueoloxía, historia e etnografía. Hoxe adentrámonos nos edificios Castelao e Sarmiento guiados por Paula Tilve, responsable de públicos, actividades educativas e culturais. Durante a visita guiada, descubrimos que as salas de arqueoloxía son unhas das máis solicitadas polo público e que o violinista pontevedrés Manuel Quiroga ten unha sala monográfica adicada para el e a súa obra. Ademais, viaxamos a Oriente na dedicada á porcelana chinesa e outras pezas de cerámica oriental.