Infraestructuras
07/10/2021 08:14
Obras de mellora e de accesibilidade en catro hospitais de Ourense
as actuacións crearán itinerarios peonís máis cómodos e seguros no Complexo Hospitalario Universitario de Ourense, no edificio hospitalario de Piñor, en Barbadás; e nos hospitais públicos de Verín e de Valdeorras.
Executaranse novas beirarrúas, disporanse pasos peonís elevados e ramplas que faciliten os desprazamentos de persoas en cadeira de rodas, ademais de zonas con pavimento podotáctil para as persoas con dificultades de visión.
Reforzarase a visibilidade dos pasos de peóns, reordenando os accesos e servizos e creando espazo para paradas de autobús, ademais de habilitar áreas de aparcadoiro reservado para ambulancias, para vehículos autorizados e para moto.
