Inma López Silva

Comezamos o programa entre libros para celebrar a través da radio este 23 de abril coas librerías pechadas. Ademais, concedemos protagonismo ao sector da viticultura da man do Consello Regulador da Denominación de Orixe Rías Baixas e conversamos coa presidenta da Deputación de Pontevedra, Carmela Silva. Buscamos a previsión metereolóxica e abrimos tempo de entrevista con Baia Fernández, entrenadora emocional e da risa. Durante todo o programa facemos posible que catro escriores asinen os seus libros a través da radio.

“O libro da filla" é un relato profundo e inquietante no que a autora parte dun caso real de abuso no ámbito familiar para obrigarnos a ollar de fronte o mellor e o peor de nós como persoas e como sociedade. Durante a conversa na librería Cronopios coñecemos a Helena Sánchez, a gran protagonista da novela, unha muller que pasa dos cincuenta anos e que lle serve a Inma López Silva para poñer o foco sobre unha idade na que as mulleres sinten o peso do corpo e, ao mesmo tempo, a oportunidade para liberarse e rachar coas convencións que reprimen e controlan as súas vidas. Estamos ante unha novela moi política que apela á responsabilidade individual para decidir que versión dos feitos queremos crer e na que a verdade e a mentira son dúas protagonistas máis. Neste podcast podes volver escoitar a entrevista con Susana Pedreira.