lalin

Na viaxe deste venres ata cambiamos de continente: o vigués Oscar Bruzón lévanos ata a India, onde leva 4 anos vivindo e traballando como director técnico e asistente de adestradores de fútbol. Coa nosa guía 4x4 volvemos a Galicia para visitar o Faro Vilán en Camariñas, inaugurar o Mes do Cocido en Lalín, e durmir nun dos lugares de paso de La Vuelta Ciclista 2016 pola provincia de Ourense, Ribadavia. Ademais, como cada venres, repasamos a actualidade do sector no noso noticiario turístico e completamos con propostas de ocio a axenda de fin de semana.

Antes de celebrar a Noiteboa e o Nadal conversamos coa presidenta de Deputación de Pontevedra, Carmela Silva, sobre a campaña “Por un xogo igualitario e non violento” e co polifacético Pedro Ruiz que o domingo chega ao centro social da Fundación co seu espectáculo "Uno, pequeño y libre". Como cada xoves buscamos calidade pola nosa provincia: recalamos en Vilariño (Cambados) para coñecer o albariño Pepa A Loba. E visítanos unha representación do colexio Sagrado Corazón para poñer música solidaria á recta final do programa

As novidades en torno ao crime de Ponte Caldelas centran a nosa atención no inicio do programa, ademais do pleno da corporación municipal de Pontevedra celebrado no Teatro Principal. Facemos balance da viaxe do alcalde, Miguel Anxo Fernández Lores, a Hong Kong. Repasamos a actualidade deportiva da fin de semana con Rubén Rey. E, como cada luns, poñémoslle ritmo ao inicio de semana cunha nova edición de "Cántamo... en galego!"