lalin

Comezamos o luns co balance da primeira fin de semana de peñas 2015 e repasando a actualidade local e comarcal. No tempo da entrevista conversamos con Laura Expósito desde a Ruta do Viño Rías Baixas. Percorremos as nosas praias buscando a predicción metereolóxica e poñemos ritmo ao luns coa sección musical "Cántamo... en galego!"

Continuan as valoracións sobre os orzamentos xerais do estado, hoxe son os socialistas pontevedreses no Congreso dos Deputados os que critican os investimentos na provincia, a eles os escoitamos no inicio do programa ademais de dar conta das novidades xudiciais sobre o crime de Moraña. A Rúa Responde sobre o último barómetro do CIS. Paseamos polo barrio Monte do Taco coa concelleira de Educación, Servizos Sociais e Igualdade de Pontevedra, Carme Fouces. Percorremos as praias buscando a predicción metereolóxica para esta xornada de xoves. E, como cada semana, poñemos voz á mirada becaria dos nosos compañeiros de verán: turno para Juan Sanmartín cunha reportaxe sobre a arte da tatuaxe

A nova presidenta da Deputación de Pontevedra, Carmela Silva, é a nosa convidada no tempo das terrazas de verán e con ela conversamos sobre as prioridades do seu novo goberno. A Rúa Responde sobre as infraestruturas que precisa Pontevedra e, como cada martes, tamén se fai escoitar a irreverente Dina Mita na súa audieta semanal. Percorremos as nosas praias buscando a predicción metereolóxica e seguimos ampliando as nosas bibliotecas de verán con novas recomendacións Cronopios.