María Ramallo

A alcaldesa de Marín cumpre no mes de maio 25 anos na política local e con ela estreamos unha nova temporada de almorzos informativos desde o Hotel Rías Bajas de Pontevedra. Repasamos con María Ramallo os obxectivos que se marca para este 2020 e os retos a conquerir durante o seu terceiro mandato como alcaldesa. Por exemplo, o proxecto para un novo auditorio estará listo este ano, unha infraestrutura cultural moi demandada en Marín. Ademais, Ramallo sinala como prioridade a reforma da Avenida de Ourense unha vez rematadas as obras do novo colector. Durante a conversa, a alcaldesa tamén nos adiantou os seus plans para mellorar ao longo do mandato o problema de aparcamento na vila coa construción dun parking subterráneo e a aprobación dunha ordenanza que regule o aparcamento en superficie. Neste podcast podes volver escoitar a entrevista con Susana Pedreira.

A candidata do PP por Pontevedra ve ao seu partido mellor posicionado e menos tensionado que en abril para afrontar a cita electoral deste domingo. María Ramallo defende a continuidade de Ence en Lourizán e a transferencia da AP-9 á Xunta, respectando así o acordo unánime do Parlamento de Galicia. Nesta entrevista en Onda Cero explicou que manter a alcaldía de Marín foi a súa condición clave para substituír a Ana Pastor como número un do PP por Pontevedra e, ademais, confirmou que renunciará ao seu soldo de alcaldesa unha vez tome posesión da acta como deputada no Congreso. Neste podcast podes volver escoitar a conversa con Susana Pedreira.

Este fin de semana se celebran la VIII jornadas del cocio do porco Celta en el Restaurante Soutamior de Vigo.