marin

Comezamos o programa repasando a actualidade deste luns en Pontevedra, escoitando desexos de futuro para cando todo isto pase e buscando a previsión do tempo. Entrevistamos a un "travel blogger" pontevedrés: Alberto Ribas vive y trabaja viajando y ahora su actividad es imposible. Como cada luns, falamos de deporte con Rubén Rey e de motor con Abel Millán. Ademais, completamos o programa cunha nova edición de "Cántamo... en galego!".

A alcaldesa de Marín cumpre no mes de maio 25 anos na política local e con ela estreamos unha nova temporada de almorzos informativos desde o Hotel Rías Bajas de Pontevedra. Repasamos con María Ramallo os obxectivos que se marca para este 2020 e os retos a conquerir durante o seu terceiro mandato como alcaldesa. Por exemplo, o proxecto para un novo auditorio estará listo este ano, unha infraestrutura cultural moi demandada en Marín. Ademais, Ramallo sinala como prioridade a reforma da Avenida de Ourense unha vez rematadas as obras do novo colector. Durante a conversa, a alcaldesa tamén nos adiantou os seus plans para mellorar ao longo do mandato o problema de aparcamento na vila coa construción dun parking subterráneo e a aprobación dunha ordenanza que regule o aparcamento en superficie. Neste podcast podes volver escoitar a entrevista con Susana Pedreira.