Onda Cero Pontevedera

Comezamos a semana lembrando ás vítimas de accidentes de tráfico coa presidenta de STOP ACCIDENTES en Galicia, Jeanne Picard. Estreamos espazo para a compostaxe co obxectivo de coñecer o Plan Revitaliza da Deputación de Pontevedra. Como cada luns poñemos voz ao proxecto municipal A MEMORIA DAS MULLERES e abrimos espazo de motor con Abel Millán. E, nunha nova edición de "Cántamo... en galego!" conversamos co músico e actor Paco Nogueiras para coñecer o seu novo proxecto editado por KALANDRAKA: "Radio Bulebule"

Comezamos repasando a actualidade do día e escoitando as opinións da rúa. Como cada xoves, paseamos pola cidade entrevistando aos membros do goberno local de Pontevedra: hoxe citámonos no barrio de Campolongo co concelleiro de Xuventude, Normalización Lingüística, Parques e Xardíns, Alberto Oubiña. Os amigos de PEDALADAS póñennos sobre dúas rodas para falar de seguridade viaria. A mirada becaria de Jorge Villamil fálanos das novidades do Salón do Libro Infantil e Xuvenil.