Optica Martinez

Antes de celebrar a Noiteboa e o Nadal conversamos coa presidenta de Deputación de Pontevedra, Carmela Silva, sobre a campaña “Por un xogo igualitario e non violento” e co polifacético Pedro Ruiz que o domingo chega ao centro social da Fundación co seu espectáculo "Uno, pequeño y libre". Como cada xoves buscamos calidade pola nosa provincia: recalamos en Vilariño (Cambados) para coñecer o albariño Pepa A Loba. E visítanos unha representación do colexio Sagrado Corazón para poñer música solidaria á recta final do programa

Comezamos repasando a actualidade con ENCE como dobre protagonista: datos do Plan Estratéxico que hoxe a pasteira presentou ante a Comisión Nacional do Mercado de Valores e o reparto de material da campaña "Ence Fora" na Praza de Ourense. No tempo da entrevista conversamos co director e os actores da obra "O Principio de Arquímedes" da compañía Teatro do Atlántico. Temos novo espazo de saúde visual con Óptica Martínez e buscamos calidade na Praza da Verdura visitando unha tenda de barrio

Comezamos o programa coas reaccións políticas ao último rexistro no Concello de Pontevedra en relación coa operación Pokemon, unha cuestión que centra a actualidade desta xornada. No tempo da entrevista conversamos coa alergóloga Celsa Pérez Carral e, como cada xoves buscamos consellos sobre saúde visual e auditiva en óptica Martínez. Temos nova edición de PONTE CALIDADE visitando o lugar de Fofán en Armenteira, Meis.