poio

O alcalde de Poio afronta o seu sétimo mandato coa decisión tomada de que será o último, unha das novidades na vida de Luciano Sobral que analizamos con el neste almorzo informativo desde o Hotel Rías Bajas de Pontevedra. Repasamos con Sobral os obxectivos que se marca para este 2020 e os retos a conquerir durante o seu último mandato como alcalde. Por exemplo, a posta en valor dos espazos públicos, con máis protagonismo para a veciñanza; a mellora da PO-308, o futuro Centro de Saúde ou o relanzamento do PXOM. Durante a conversa, tamén fixemos balance dos seus 40 anos de vida dedicada á política municipal en Poio. Neste podcast podes volver escoitar a entrevista con Susana Pedreira.

Comezamos o programa coa actualidade do día e conversando co delegado territorial da Xunta en Pontevedra, Jose Manuel Cores Tourís. Buscamos a predicción metereolóxica e recibimos a visita do IES Valle Inclán. Como cada mércores, sometemos ao noso cuestionario persoal aos políticos pontevedreses: Silvia Carballo, concelleira de Economía, Emprego, Normalización Lingüística e Turismo en Bueu, é hoxe a convidado. Completamos o programa coa visita de Rena Ortega para rematar entre dúas augas.

Comezamos o programa repasando a actualidade máis turística e facendo unha viaxe express ata o Bosque de Colón de Poio. Viaxamos ata Nova York co editor e escritor, Francisco Castro.Volvemos conceder protagonismo ao rural coa fotoxornalista Alba Sotelo que esta semana se fusiona coa "Cuchipanda" de Polo Correo do Vento. Rematamos o programa en Santa Cruz de Oleiros inaugurando o novo "Noa Boutique Hotel"