Radio en Galicia

Co repaso pola actualidade do sector turístico comezamos unha nova edición de Gente Viajera de Galicia na que incorporamos á actriz, presentadora e cantante Teté Delgado á nosa familia de galeg@s viaxeir@s. A GUÍA 4x4 con DESTINO GALICIA lévanos de ruta esta semana ata Monforte de Lemos seguindo as pegadas de Manuel María, propónnos comer en Campo Lameiro entre arte rupestre e con carne de caza no prato, e para durmir lévanos ata unha cidade monumental e de cine. Por último, na provincia de Ourense abrimos a nosa axenda de fin de semana.

Como cada venres repasamos a actualidade da xornada e facemos un balance dos temas que nos deixa a semana antes de despedila. Compatimos con vostedes a entrevista co escritor Pedro Feijoo que estivo con nós en Cronopios presentando a súa última novela, "Morena, Perigosa e Románica". Ademais marcamos unha completa AXENDA cultural, de ocio e festiva para disfrutar da fin de semana que temos por diante. Feliz venres!!

Comezamos o programa repasando a actualidade do sector turístico e entrevistando a galegos que co seu traballo levan o nome de Galicia polo mundo: esta semana o escritor vigués Pedro Feijoo é o protagonista e con el percorremos Vigo e Barcelona coa súa nova novela como guía. Ímonos de ruta pola provincia de Pontevedra sumándonos ás andainas de outono que organiza o Concello de Marín, comemos na Mariña Lucense escollendo entre 20 restaurantes dentro do "mes da maxia", durmimos no mellor parador de España segundo os usuarios de Tripadvisor: o Parador de Santo Estevo de Ribas de Sil, e na provincia da Coruña abrimos a nosa axenda de fin de semana