Radio Local en Pontevedra

Buscamos viños especiais para este Nadal visitando diferentes adegas da man do Consello Regulador da Denominación de Orixe Rías Baixas. Coñecemos as características dos espumosos, dos tintos e das elaboracións especiais con César Méndez desde Terras de Lantaño, Manuel Méndez desde Bodegas Gerardo Méndez e Manyo Moreira de Mar de Envero. Ademais, tomamos nota dos mellores consellos para conservar os viños Rías Baixas, para facer boas maridaxes e servilos á temperatura óptima.

Abrimos o programa coa actualidade da xornada e buscando a previsión metereolóxica para as vindeiras horas. Como cada martes volvemos ao Hotel Rías Bajas co almorzo informativo semanal, hoxe o noso convidado é ò concelleiro de Promoción Económica e Urbanismo de Poio, Gregorio Agís. Completamos o programa co espazo Cronopios e as mellores recomendacións de Mercedes Corbillón.

"Noticias de Pontevedra" con Juan de Sola

Nova operación contra o narcotráfico. A Garda Civil leva a cabo, desde primeira hora a mañá de hoxe martes, preto dunha decena de rexistros nas provincias de Pontevedra e de Ourense no marco dunha operación contra unha rede organizado de tráfico de droga. Mentres, en Vilagarcia e na comarca do Salnés toca facer balance de danos do último temporal de auga e vento. E, en Pontevedra, o concello acaba de renovar a ordenanza do taxi para poder avanzar no proxecto de 'Coche de Punto', un servizo de transporte a demanda que estará en servizo en 2023.