radio pontevedra

Normalizamos a semana, despois do período de nadal, analizando dous casos de violencia machista e lamentando o falecemento do histórico alcalde de Marín, Antonio Santiago, coñecido como Toneco. Falamos do se legado político coa actual rexedora María Ramallo. Tamén, profundizamos nas novas do conflicto dos traballadores do parque de maquinaria co goberno da Deputación de Pontevedra. A maiores, atendemos unha reivindicación do Sindicato Unificado de Policía de dotar a Pontevedra cunha nova comisaria pola falta de espacio da actual. E, no eido cultural, na sección Cantamó en Galego, conversamos con Uxia sobre o novo Festival da Lusofonía 'Cantos Na Mare'. ¡Boa xornada!

A semana comeza marcada polo xuízo do crime machista de Pontesampaio en outubro de 2015: José Antonio Lusquiños séntase no banquiño como autor confeso do asasinato de Conchi Reguera. No tempo da entrevista conversamos coa concelleira de Benestar Social, Carme Fouces, sobre REDEAXUDA inaugurando así un mes no que daremos voz a todas as entidades que integran este proxecto. Como cada luns falamos de deporte, motor e música e avanzamos hoxe no noso reto de decembro escoitando á banda pontevedresa Mr. Magoo.

A Audiencia de Pontevedra arquiva a causa de Elsamex, unha das novas do día que ocupa a nosa atención no inicio do programa. Buscamos a predicción do tempo nesta semana marcada polas choivas e temos nova edición dos nosos almorzos informativos: hoxe o alcalde de Vilagarcía, Alberto Varela, é o noso convidado na Devesa. E, como cada martes, incorporamos novas recomendacións Cronopios ás nosas bibliotecas