cantamo en galego

Na súa Cedeira natal reconcíliase con este mundo de individualidades que ela ve "parado" e así nolo canta no seu terceiro disco cunha sonoridade máis ampla e unhas letras máis sociais que no anterior. Con Guadi Galego, compositora, cantante, nai e mestra falamos de música pero tamén da educación neste século XXI e da necesidade de "educar na reflexión". Os alumnos e alumnas do IES Luís Seoane son o público desta entrevista dentro da sección musical "Cántamo... en Galego".

Defínese como artesán da música e no seu último disco di saber o que é o amor, aínda que durante a conversa recoñece que está nunha fase "experimental". Con Alonso Caxade falamos do sector da música en Galicia e do seu último traballo, ademais de repasar a súa traxectoria con máis de 100 directos ás súas costas. Os alumnos do IES Sánchez Cantón son o público desta entrevista dentro da sección musical "Cántamo... en Galego"

A semana comeza co Día Mundial para lembrar as vítimas de accidentes de tráfico e concluirá co 25-N Día Mundial contra a violencia Machista, dúas efemérides que centran a nosa atención no inicio do programa. Buscamos a predicción do tempo e conectamos en directo co pleno da corporación municipal de Pontevedra no Teatro Principal. Temos versión extendida de "Cántamo... en galego!" con Alonso Caxade como convidado no IES Sánchez Cantón. Como cada luns repasamos a actualidade deportiva con Rubén Rey