Susana Pedreira

Convidamos ao músico pontevedrés Anxo Araújo para ‘Aprender a bailar’ coas cancións do seu novo disco. Despois de tres sinxelos de adiantoxa xa está nas plataformas dixitais, e tamén en formato CD e vinilo, un álbum de nove temas onde os ritmos bailables, as percusións latinas, os ventos e os sintetizadores marcan a paisaxe sonora. ‘Aprender a bailar’ é un disco que “disipa tormentas” e que convida a celebrar a vida e a vivir o presente.

Abrimos o programa coa actualidade da xornada e buscando a información do tempo para as vindeiras horas. Abrimos tempo de entrevista co alcalde de Pontevedra, Miguel Anxo Fernández Lores, falamos de ciencia e investigación con Saleta González, responsable técnica de Pontenciencia e Margarita Lema, doutora en Bioloxía e investigadora na Misión biolóxica de Galicia.