Susana Pedreira

“A única forza que importa é a que constrúe, é a verdadeiramente poderosa. É lenta, non ten data para finalizar a construción pero non dubida de que é útil. Non avanza á velocidade que o seu traballo merece porque no camiño ten que explicar demasiado a quen non entende, pero non importa, non se detén. Non nos detemos, aquí estamos un 8M máis explicando obvio: cansadas pero fortes. Se dalgo saben as mulleres que nos trouxeron ata aquí ás demais e de tirar para adiante a pesar do cansanzo de cargar coa vida enteira ao lombo”. Así comezou Susana Pedreira o programa deste 8M.

Abrimos o programa coa actualidade desta xornada do 8M e conversando coa alcaldesa de Meis, Marta Giráldez. Buscamos a previsión do tempo e, como cada venres, convertemos a radio nun conto en compañía de Carmen Quinteiro. Ademais, completamos o programa cunha completa axenda cultural e de ocio para gozar da fin de semana.