onda cero monforte

Un proxecto para elaborar iogur e outros postres artesás, gañador do concurso convocado pola Fundación Semente de Monforte. No programa de hoxe repasamos como foi o acto do sábado conversando con Severino Rodriguez, membro da Fundación e entrevistamos a Alex Moure, coautor do proxecto gañador. Con Eduardo Vidal, responsable da área de turismo da Deputación Provincial de Lugo, falamos das rutas fluviais que recuperan servizo a partir deste venres. Tamén o Consorcio de Turismo da Ribeira Sacra recupera para Semana Santa Viñobús‬ e Rutas do Románico‬, buscaremos máis información con Alexandra Seara, xerente do Consorcio. Co director de Evega, Juan Manuel Casares, falamos da Xornada Técnica sobre "Alternativas ao viño tradicional" que este xoves celebran no Concello de Sober e buscamos, coa presidenta do CCU, María José Senrra, balance da Feira de Oportunidades celebrada esta fin de semana.

Abrimos programa conversando con Andrés Montes e Angel Amaro do grupo Gin Toni's que este sábado actúan en Carude e presentan o DVD que gravaron no concerto das Festas Patronais Monfortinas. Entrevistamos a Patricia Vaud e Maro Carretero, integrantes dunha nova Asociación Cultural que se pon en marcha no Concello de Monforte de Lemos , A Xanela Vermella, e repasamos actividades que preparan no concello de Chantada onde hoxe arranca a Feira do Viño da que falamos co concelleiro de Cultura Manuel Diéguez.

Abrimos programa hoxe coa presidenta e o xerente do CCU de Monforte que nos contan actividades de promoción do comercio local que teñen preparadas para os próximos días e entrevistamos a un dos organizadores da homenaxe o Pai Esteban Martínez, o ex alumno Abel Veiga, que repasa os actos que proxectan para o 23 de abril. Da actualidade do día recollemos tamén un proxecto europeo que lidera o Concello de Sober para poñer en valor os recursos forestais.